Discount Hunter

Dino Minggu, tanggal wolu las Febuari rongewuwolulas.

Tanggal e apik gae jadian. Hahaha. 

Alhasil mang isuk aku tangi kawanen, gak sido SBH wes. Lah piye jal turuku jam siji bengi ancene maeng. Mang isuk akhire bapakku moleh jam setengah siji, yowes makku mureng-mureng koyok singo manak. Arep bacok-bacokan pisan hare. Aku yo mek ndelok i tok trus purak-purak turu pas Bapak nang kamar. Niate ngkok jam pitu isuk ate teko latian SBH lakok pas tangi ndelok jam, wes jam sewelas isuk. Yo wes tak terusno turu maneh. 

Kuota ndek omah entek kabeh, seng ono mek kuota gratis tri wasapan sak matine. Dino Minggu pancen dino sante-sante, dino seneng-seneng. Cintul mari imunisasi kan ya, gak sengojo tak gepuk lengen e seng mari disuntek iku. Nanges wes, aku yo masa bodo ae hahah wong guduk lengenku kok :P

Makku ancen senengane nggolek geger. Bapakku ambek nggoreng brokoli mek meneng ae lek makku njarak. Aku yo akhire nyelimurno ta, tak kode, "Jane Imlekan ngene nguber diskonan lak enak a jal,"

Langsung adekku tak kongkon salin klambi seng apik, klambi kuneng kotak-kotak ambek jeans bekasku biyen, trus aku yo ngiter disek, ngerijiki rai trus salin pisan nggae kulot abu-abu seng ditukokno makku karo ndukuran klambi pink bekase makku. Aku wes siap, adekku pisan, Bapakku mesti peka akhire langsung nang jedeng salin pisan. 

Makku asyik ae hapean, mboh wasapan karo sopo. Padal kabeh wes siap lo ya, makku sek dasteran. Tak jupuk hapene tak kongkon salin wes. Giliran wes mari salin, gincuan barang njembret salah. Katek mbenakno gincu sak uwen-uwen, selak wanen jane ngenteni. Udan-udan aku melbu Katani disek an akhire. Trus akhire, budal wes aku nang Ramayana. 

Ndek montor aku lak usil a ya nggolek i lap, ancene jok e bapakku teles kenek udan, eh pas aku mbukak-mbukak nang jero onok duwek satus ewu e. Wah yo tak kesak rek. Giliran bapakku melbu, aku purak-purak gaeroh ambek rai polos ngecapi madurasa. 

Iku lho mall e. 

Mall alun-alun jane yo biasa ae. Mekne ketok e rame soale kan saiki dino Minggu terus marine Imlek dadi akeh diskonan. Arek nom-noman yo pastine rene, mboh iku pacaran mboh nongki mboh sowong-sowongan, dadine ketok rame. Aku nang Ramayana, mesti ancen ben rene iku seng dijujuk yo Rmy iki sampek bosen. 

Pas melbu nang lantai siji, petugas e wes woro-woro diskon. Kaos merek Diesel regane telu limoan, jane aku yo bingung merek kok diesel, opo klambine iki iso digae bahan bakar yo lek kentek an BBM diesel? Aku ndelok i jaket-jaket diskon dadi satus ewuan, trus kan ancen klambine lanang dadi makku langsung njaluk munggah nang lantai dua. 

Ndek dukur yo podo woro-woro potongan harga. Klambi wedok akeh diskonan e, mekne aku gak seneng klambi model wedok. Terlalu yopo ngono. Akhire aku njaluk nang lantai telu ae nggone sepatu-sepatu. Bek e sepatu konvers seng regane pitu ngatus didiskon dadi seket ewu? Sopo seng gak gelem. 

Tapi pas ndek dukur, sepi. Gak akeh koyok ndek nisor. Jane keliru i, jane nang mall e wingi ta winginane pas sek anget-anget e imlekan. Tapi aku nyobak ae mlaku-mlaku. Sepatu converse ganok diskon hiks pancet larange. Aku ndelok-ndelok maneh, gaono opo-opo i. Mek ono sepatu Tomkins obral dadi satus seket. Mek aku gak selera, kaku bahane. 

Aku mlaku terus, sampek Cintul nyeluk. Jare onok tenda. Merek Rei regane mek patangatus seket. Apik he, biru dongker ukuran pat uwong. Timbange nyewo balak-balek mending tuku. Tapi makku jare gak sido, irit. Mosok tenda ae setengah juta dewe. Iyo wes karep, Mak. 

Sampek akhire, onok pijet refleksi. Makku pijet sikil e, kesel jare. Aku akhire males ngenteni, mudun wes nang lantai siji golek jaket. Maeng lak gak sido a. Aku krungu onok woro-woro diskon maneh. Pas tak delok, akeh seng ngerumuni klambi-klambi seng regane satus ewu entuk papat. Huwalah, la kudu tuku satus, la aku te tuku papat ngono? Seng telu gae sopo cobak, yo lek aku duwe pacar iso tak couple barang *plak. 

Aku bosen ndek lantai siji ganok opo-opo, akhire munggah nang lantai dua. Onok karyawan e ndorong-ndorong keranjang, wah koyok e bakal ono diskon maneh iki. Aku langsung melok i, waaah diskon beha! Diskon seket persen hare! Senenganku lek ndelok beha katok ngene iki. Ket biyen ancen pingin a behane mall seng larang-larang. 

Langsung tak melok i rono, diskon se, apik-apik se, cuman... Hem, behane jan beha emak-emak! Berbusa seng kandel-kandel i lho, seng dadi ketok guwedhe lek digawe. Dih, jijay ndelok e. Wegah lek dadi ketok mbengkak dodoku. 

Pas milih beha aku diWA makku jare bapak pijet refleksi sak awak. Sak jam. Gusti, sopo gelem ngenteni. Akhire aku nang ndukur kepetuk ibukku wes gowo kresekan. Isine sepatu, jare diskon. Satus ewu regane, blink-blink ngono lo sepatue koyok Syahroni. Yo wes ben lah duwik-duwik e dewe hahaha.

Aku durung entuk i. Akhire aku nang jam-jaman. Onok jam apik he mereke DW. Podo karo aku saiki seng lagi DW. Hahaha. Yo wes la tak tuku langsungan, adekku pisan melok-melok. Tuku jam digital werno biru. 

Pas bapakku wes mari dipijet, aku macak gak duwe duwek. 

"Mama wes entuk, Cintul uwes, aku lo durung, Pak.."

Trus bapakku njawab, "Lah maeng ndelok-ndelok gak sido tuku ta?"

Padahal aku nggowo duwek, tapi macak melas. "Yo arep e mbayar gae opo wong aku gak gowo duwek,"

Aku heran janan bapakku kesambet opo kok dino iki jan uapik an. "Yowes mudun o, tuku o kono, Nduk..."

Aku langsung mudun ta wes ambek golek jaket. Awale bingung aku, aku iki pingin hoodie seng ono kupluk e werno biru dongker polos. Lakok pas tak delok kok ketok e ek ngno. Akhire aku ngiter terus ya golek switer, gak nemu-nemu. Pas ndelok ambek makku, nemu switer ono motone loro, jane aneh se tapi mboh akhire aku tuku iku. Diskon se, rong puluh persen. Ambek ditukokno hahaha. 

Moleh, wes. 

Ndek Trunojoyo ketok ono warung nasi uduk, bapakku minggir. Enak rupane. Awakdewe mudun, trus pesen. Aku pesen ayam, adekku yoiyo. Bapak tuku lele. Makku wenak e, pesen cumi asam manis. Masio ngono iku seng ngentekno yo pancet aku haha. Sayang gak tak foto. 

Mulih e, ono konter awakdewe mandek. Bapak seng tuku lakok suweee temen. Aku mudun, eh ngerti a, aku lo ditukokno kuota enem giga! 4GB forji berlaku sak ulan, 2GB triji berlaku sangang taun! Gendeng lekne. Aku se iyo ae haha. Lumayan harreee, masio sing forji aku yo iso ae ngentekno. 

Mari tuku kuota, nang omahe Uti, jam songo moleh wes. Anjok omah jam sepuluh. Akhire aku gak sido sinau, mene TO kimia. Wahlah, opo jare mene. 

PS: Betewe, mbo opo o dino iki pingin nggae boso daeraku bos. Sampek maeng ngaplod foto ndek ig yo capt e boso jowo. Seng wes kadung moco sampek kene, suwon seng akeh yo, mugo paham haha. 

Ojok lali ngelike fotoku yo, ndek akun instagram jeneng e @jeng.rawr suwun!